: ମାମାଜିନି ପ୍ରଧାନ

ସ୍ମୃତି ତୁମେ ଗଲା ଦିନର,

ଆଜି ଆସିଛ ପୁଣି ଫେରି ୤

ଭାବି ଥିଲି ଆଉ ହବନି ଦେଖା,

ହେଲେ, ଟାଣୁଛ ପୁଣି ମୋ ହାତ ଧରି ୤ ( ୧ )

ଛୋଟ ହୋଇ ତୁମେ ନୁହଁ ଆଉ,

ତୁମକୁ ହେଲାଣି ବୟସ ୤

ଭୂଲିଯାଅ ଗଲା କଥା,

ଯାହା ମନରେ ଭରିଛି ବିଶ ୤ ( ୨ )

ଅତିତର ସ୍ମୃତି ଯାହା,

ଦେଇଛି ହୃଦୟକୁ କଷ୍ଟ ୤

ଭବିଷ୍ୟତ ପାଇଁ ଭୁଲିଯାଅ,

ଜମା ନହୋଇ ଦୁଷ୍ଟ ୤ ( ୩ )

ଯେତେ ରାଗ ଋଷା, ମାନ ଅଭିମାନ,

କରିଥିଲେ ଆମେ ସେଇ ସମୟରେ ୤

ସବୁ ଭୁଲିଯାଇ ଗଢ଼ିବା ଚାଲ,

ନୂଆ ଏକ ସ୍ୱପ୍ନ ନୂଆ କରି ଥରେ ୤ ( ୪ )

କେଜାଣି କାଇଁ ଗଲା କଥା ଭାବି,

ଅଖି ମୋର ଓଦା ହୋଇଯାଏ ୤

ଝରୁ ଥିବା ଲୁହ ମାଟିକୁ ଚୁମି,

ମନେ ମନେ କିଛି କହିଯାଏ ୤ ( ୫ )

କିଛି ଭଲ ଲାଗେ,

କିଛି ଭୁଲିଯିବାକୁ ଇଛାହୁଏ ୤

କିଛି ହୃଦୟକୁ ଭାରି ବାଧେ,

କିଛି ଓଠରେ ହସ ଆଣିଦିଏ ୤ ( ୬ )

ଏତେ ଦିନର ବନ୍ଧୁ ଆମେ,

ଥିବା ସାଥେ ପାଖା ପାଖି ସାଥି ହୋଇ ୤

ଶେଷରେ ଏତିକି କହିବି,

ତୁମେ ମୋ ବନ୍ଧୁ ସଦା ପାଇଁ ୤ ( ୭ )

ଗଞ୍ଜାମ, ଓଡ଼ିଶା