ମିଠା ମିଠା କଥା ତଳେ ଯେବେ
ରଖିଲ ବିଷ,
ତୁମ ଠାରୁ ସାଥୀ ତୁଟିଗଲା
ଆତ୍ମ ବିଶ୍ବାସ ।
ମୋ ଗୀତ ସୁରେ ସୁରେ ତୁମେ ଯେବେ ନାଚୁଥିଲ
ମୁଁ ଭାବୁଥିଲି ତୁମେ ମୋ ନିଜର ବୋଲି,
ତୁମେ ଯେବେ ସାତପର ଭାବିଲ
ମୁଁ ହାରିଗଲି
ଅପରୂପ ଶୋଭା ଦେହେ ଧରି
ଯେବେ ଆସିଲ,
ଭାବିଥିଲି ଗଢିବି ବୋଲି
ପ୍ରୀତି ମହଲ ।
ମୋ ଭଙ୍ଗାରୁଜା ସ୍ମୃତି ତୁମେ ଯେବେ ସାଇତିଲ
ମୁଁ ଭାବୁଥିଲି ତୁମେ ମୋ ନିଜର ବୋଲି,
ତୁମେ ଯେବେ ମୋତେ ମିଛ କହିଲ
ମୁଁ ଠକିଗଲି
ସୁରୁଜର ପହିଲି କିରଣ
ଯେବେ ଛୁଇଁଲା,
ଧୀରେ ଧୀରେ ମନ ଯଉବନ
ଅଧିର ହେଲା ।
ମୋ ଜୀବନ ସଂଗିନୀ ତୁମେ ଯେବେ ସାଜିଥିଲ
ମୁଁ ଭାବୁଥିଲି ତୁମେ ମୋ ନିଜର ବୋଲି,
ତୁମେ ଯେବେ ମୋ ହୃଦୟ ଜାଳିଲ
ମୁଁ ଭାଙ୍ଗିଗଲି
କବି କୁଟୀର
ଦଣ୍ଡାସିଂହା, ବାରକୋଟ
ଦେବଗଡ (ଓଡିଶା)
ମୋ- 09668242720
Go Back to Previous Page
ଓଡ଼ିଆ ଭାଷା ଓ ସାହିତ୍ୟର ସମୃଦ୍ଧି ଏବଂ ପ୍ରସାର ପାଇଁ ଆମେ ସର୍ବଦା ଆପଣଙ୍କ ସହାୟତା ଆବଶ୍ୟକ କରୁଛୁ ଆପଣ ଓଡ଼ିଆ ଭାଷାରେ ଲେଖାଲେଖି କରୁଛନ୍ତି କି ? ଯଦି ହଁ, ତେବେ ଆଜି ହିଁ ଆମ ସହ ସମ୍ପର୍କ କରନ୍ତୁ ଆସନ୍ତୁ ଆମେ ମିଶି ଆମ ଭାଷା ଓ ସାହିତ୍ୟର ଉନ୍ନତି ହେତୁ କାମ କରିବା
ଇଚ୍ଛୁକ ବନ୍ଧୁମାନେ ଆମ ସହ ଦୂରଭାଷ ୭୦୦୮୫୬୭୦୮୫ ରେ ଯୋଗାଯୋଗ କରିପାରିବେ
ଇମେଲ୍ ଦ୍ବାରା ଯୋଗାଯୋଗ କରିବାପାଇଁ aahwaan@gmail.com ରେ ସମ୍ପର୍କ କରନ୍ତୁ
