: ପ୍ରବୋଧଚନ୍ଦ୍ର ମୁଦ୍ରା

ଆଙ୍ଗ୍ଲ ନବବର୍ଷ ତୁମକୁ ସ୍ବାଗତ “ଦୁଇହଜାର ଅଠର”

ଚିରବିଦାୟୀ ଯେ ଏ ଧରାବକ୍ଷରୁ “ଦୁଇହଜାର ସତର |୧|

ହେ ସତର! ତୁମେ ବିଶ୍ବ ଇତିହାସେ ହୋଇଗଲ କିମ୍ବଦନ୍ତୀ,

ସ୍ମୃତି-ବିସ୍ମୃତିର ଦୋଛକିରେ ତୁମ ରହିଗଲା ବହୁ କୀର୍ତ୍ତି |୨|

କାହା ପାଇଁ ତୁମେ ଚିରସ୍ମରଣୀୟ ଅଲିଭା ସ୍ମୃତିର ଗାର ,

ପୁଣି କାହାଲାଗି ହେଲ କଳଙ୍କିତ ଅକୁହା କଥା ମନର |୩|

ବିଗତ ସାଲରେ ତୁମ ଆଗମନେ ହସୁଥିଲା ଏହି ବିଶ୍ବ ,

ଭାଗ୍ୟରେ କାହାର ସୁଯଶ-ଗୌରବ କିଏ ପୁଣି ହେଲା ନିଃସ୍ବ |୪|

କଦା ସୁଖ-ଦୁଃଖ ହସ-କାନ୍ଦ ପୁଣି ଏହି ତ ସଂସାର ନୀତି ,

ତଥାପି ମନୁଷ୍ୟ କର୍ମଫଳ ଭୁଲି ଦୋଷ ଦିଏ କାଳ-ତିଥି |୫|

ନିୟତିର ଖେଳ କେହି ତ କଦାପି ନ ବୁଝି ପାରିବେ ନର ,

ଭାଗ୍ୟବାନ ସିନା ହୁଅଇ ସଫଳ ମନ୍ଦଫଳ ଅଭାଗାର |୬|

କାହାର ହୋଇଲା ପୁଷମାସ ବେଳ କାହାର ତ ସର୍ବନାଶ ,

ଭଗ୍ନମନୋରଥେ ହୁଅନ୍ତି ନିରାଶ ଭାଗ୍ୟବାଦୀ ଅବଶେଷ |୭|

ବହୁ ପରୀକ୍ଷାରେ ହେଲା ସମ୍ମୁଖୀନ ମୋ ପ୍ରିୟ ଭାରତ ବର୍ଷ ,

ଆପଣା ଶତ୍ରୁକୁ ଦେଇ ଚେତାବନୀ ବିଶ୍ବେ ଅର୍ଜିଲା ସୁଯଶ |୮ |

କୂଟନୀତି ସହ ଅର୍ଥନୀତିରେ ସୁଦୃଢ ହୋଇଲା ଭାରତ ,

ମୈତ୍ରୀଭାବ ସହ ଆତଙ୍କ ଦମନେ କରିଲା ଭୀଷ୍ମ ଶପଥ |୯

ଆତଙ୍କ ବାଦୀର ବର୍ବର ତାଣ୍ଡବେ ଦେଶେ ଦେଶେ ହାହାକାର ,

ଅସଂଖ୍ୟ ଜୀବନ ଅକାଳେ ନିଶ୍ଚିହ୍ନ ନାହିଁ ତା’ର ପଟାନ୍ତର |୧୦|

ଶାନ୍ତିଦୁତ ରୂପେ ହୁଅ ବିଦ୍ୟମାନ “ଦୁଇହାଜର ଅଠର” ,

ତବ ଆଗମନେ ଶାନ୍ତି-ସଦ୍ଭାବର ବିଶ୍ବରେ ହେଉ ପ୍ରସାର |୧୧|

ହିଂସା ଓ ବିଦ୍ବେଷ ହେଉ ଦୂରୀଭୂତ ଭାଇଚାରା ଭାବଧ୍ୟେୟ ,

”ବସୁଧୈବ କୁଟୁମ୍ବକମ୍” ମହାମନ୍ତ୍ର ହେଉ ସର୍ବ ପରିଚୟ |୧୨|

ତୁମ ଶୁଭାଶିଷେ ଅପସରି ଯାଉ ଆତଙ୍କବାଦର ଭୟ ,

ସମ୍ପ୍ରଦାୟ ତଥା ଧର୍ମ ବିବାଦର ସମୂଳେ ହେଉ ବିଲୟ |୧୩|

ସୁଖୀ-ନିରାମୟ ହୁଅନ୍ତୁ ସରବେ ବିଶ୍ବ ହେଉ ମଧୁମୟ ,

ହେ ଈଶ୍ବର! ତୁମେ ”ଅଠରସାଲକୁ”କରିଦିଅ ସୁଧାମୟ |୧୪|

ସବୁଜ ଶସ୍ୟରେ ହସୁ ଏ ଧରଣୀ ଚାଷୀ ମୁଖେ ଫୁଟୁ ହସ ,

କୃଷକ ଭାଇର ହସରେ ବିକାଶ ହୋଇବ ଧରା ଅବଶ୍ୟ |୧୫|

ଜ୍ଞାନ ବିଜ୍ଞାନରେ ହେଉ ଅଗ୍ରଗତି ଆମରି ଦେଶ ଭାରତ,

ବିଶ୍ବ କଲ୍ୟାଣରେ ହୋଇ ଦୃଢବ୍ରତୀ ହେଉ ସେ ବିଶ୍ବ ବନ୍ଦିତ |୧୬|

ଗ୍ରା /ପୋ-ସାଙ୍କୁଡା,

ଦୂରଭାଷ - ୭୮୯୪୯୧୬୧୩୧