: କାର୍ତ୍ତିକ ପାଣିଗ୍ରାହୀ

ଜାଣିଥିଲି, ତମେ ଆସିବ...

ପ୍ରତିଟି କ୍ଷଣକୁ ଉତ୍କଣ୍ଠାରେ ଭରିବାକୁ

ତମେ ଆସିବ...

କିଛି ଖୁସି କିଛି ଦୁଃଖର ପସରା ନେଇ

ତମେ ଆସିବ...

ସତ ମିଛର ଛାଇ ଆଲୁଅରେ ଛନ୍ଦି ହୋଇ

ତମେ ଆସିବ...

ଏକ ଅନିଶ୍ଚିତ ଭବିଷ୍ୟତର ଇନ୍ଦ୍ରଜାଲ ନେଇ

ତମେ ଆସିବ...

ଆଜିର ହରିଶ୍ଚନ୍ଦ୍ର କାଲିକି ହରିଆ କହିବାକୁ

ତମେ ଆସିବ...

ନିଷ୍ପ୍ରଭ ଆଖିରେ ଆଲୋକର ଉତ୍ସ ନେଇ

ତମେ ଆସିବ...

ନିର୍ଭୟାମାନଙ୍କ ଆଖିରୁ ଭୟ ହଟେଇବାକୁ

ତମେ ଆସିବ...

ସମୟ ସୁଅରେ ସମୟ ବି ତୁଚ୍ଛ କହିବାକୁ

ତମେ ଆସିବ...

ରାଜନୀତିର ଅନ୍ଧାରୀକରଣ ଦୁରେଇବାକୁ

ତମେ ଆସିବ...

କିଛି ପଶୁଙ୍କ ମୁହଁରୁ ମଣିଷ ମୁଖା ଖୋଲିବାକୁ

ତମେ ଆସିବ...

କିଛି ମଣିଷଙ୍କୁ ପଶୁର ମୁଖା ପିନ୍ଧାଇବାକୁ

ତମେ ଆସିବ...

ଘୃଣ୍ୟ ରାଜନୀତିର ଯବନିକା ପକାଇବାକୁ

ତମେ ଆସିବ...

ଆଚରଣ ଓ ଉଚ୍ଚାରଣର ପରିଭାଷା କହିବାକୁ

ତମେ ଆସିବ...

ସତ୍ୟଶିବ ସୁନ୍ଦରର ଆଧ୍ୟାତ୍ମିକ ଭାବନେଇ

ତମେ ଆସିବ...

ତମର ବି ଅବଧି ୩୬୫ଦିନ ଏହା ଜାଣି ବି

ତମେ ଆସିବ...

ଏକ ନୂତନ ସକାଳର ଆଶାର ଆଲୋକରେ

ତମେ ଆସିବ...

ସନ୍ତାପିତଙ୍କ ପାଇଁ ସାନ୍ତ୍ବନାର ବାର୍ତ୍ତାନେଇ

ତମେ ଆସିବ...

ହେ ନୂଆବର୍ଷ ସତରେ କ’ଣ କିଛି ନୂଆ ନେଇ

ତମେ ଆସିବ...?

ବ୍ରହ୍ମପୁର