: ସୁଦାମ ଗୌଡ଼

ରାମେଶ୍ବର ବବା କହେଲେ ସେ ଗୁଟେ ଆମର ଗାଁର ପଢ଼ା ସୁନା ଲୋକ୍ ଆଏ ୤

ତାକର ବେଲେ ସେ ସାତ୍ କ୍ଲାସ୍ ତକ ପଢ଼ିଛେ ୤

ହେଲେ ବିଚରା କାଏ କରବା ଚାକ୍କରି ବାକ୍କରି ନାଏ କରବାର ଘରେ ଚାଷ ବାଷ କରୁଛେ ୤

ରାମେଶ୍ବର ବବା ଆମର ଘରକେ ସବୁଦିନ ବୁଲି ଆଉଥିଲା ବେଲେ ମତେ ପଚାରୁ ଥିଲା ୤

ବାବୁ ତୁଇ ବଡ଼ ହେଲେ କାଏଟା ବନବୁ ? ୤

ମୋର ମନେ ଅଛେ ସେତକି ବେଲେ ମତେ ବାରବଛର ହେଉଥିଲା ୤

ମୁଁଇ ତାକେ କହେଲି ବଡ଼ ହେବି ହେଲେ ବବା ମୁଁଇ ଗୁଟେ ଚାଷି ହେବି୤

ଫିନଘାଏ ସେ ପଚାରଲା କାଏ ହେଲାଯେ ତୁଇ ଚାଷି ହେବୁବୋ ?

ଲୋକ୍ ମାନେ ଚାକ୍କରି ବାକ୍କରି କରୁଛନ୍ ଆଉ ବିଦେଶ ଯାଉଛନ ପଇସା କମୋଛନ୍ ଆଉ ତୁଇ କାଏ ହେଲାଯେ ଚାଷି ହେବୁ ୤

ମୁଇଁ ଫିନଘାଏ ଜବାବ୍ ଦେଲି ନାଇଁ ଗୋ ବବା ସଭେ ଜଦି ପାଠ ପଢ଼େବେ ଚାକ୍କରି କରବେ ହେଲେ ଚାଷ କିଏ କରବା କହତ ୤

ଆଉ କିଏ ଦେଶକେ ପୁଷବା ସଭେ କାଏଁ ପଏସା କେ ଖାଏବେ ୤

ଏନ୍ତା କହେଲି ରାମେଶ୍ବର ବବାକେ ୤

ସେ କହେଲାଯେ ହଇବୋ ବାବୁ ତୁଇ ଠିକ କହୁଛୁ ଯେ ତୋରଟା ବି ରାଇଟ କଥା ଆଏ ଯେ କାଏ କରବୁ ଆଏଜ୍ କାଲିର୍ କଥାତ ଯାନୁଛୁ ? ୤

ସଭେ ଚାହେସନ୍ ବସି ବସି ଖାଏବାର କାଞ୍ଜେ କେହିବି ଇଟା ନାଏ ଚାହନ୍ କି ଚାଷ କରବାକେ ୤

ଆଉ ଗୁଟେ କଥା ? ୤

ଆଜି କାଲିତ ଜାନୁଛୁ ଚାଷି କେ କେହିଁ ନାଇଁ ପଚାରବାର କି ଚାଷିର ଦୁଖ୍ ବି ବୁଝି ନାଇଁ ପାରବାର ୤

ନିଜେତ ସରକ୍କାର ତ ବୁଝି ନାଇଁ ପାରବାର ଆଉ ମାନଙ୍କର ଛାଡ଼ ୤

ସରକ୍କାର ନାଇଁ ବୁଝି ପାରବାର ବେଲେତ ବୋ ଚାଷି ମରୁଛନ ୤

ହଁ ବବା ଠିକ୍ କଥା ଯେ କାଏ କରଲେ ଚାଷି ନାଇଁ ମରନ ଟିକେ ବତାବକାଏଁ କହି ମୁଁଇଁ ପଚାରଲି ୤

ସେ କହେଲେ ହଇରେ ବାବୁ ଚାଷି ମରବାର ଟା ଗୁଟେ ଏନ୍ତା ଆଏ ୤

ଚାଷିକେ ଯଦି ଠିକ୍ ସମିଆ ଥି ସାର୍ ପତର୍ ଅଶୋ କସା ମିଲତା ବେଲେ ଚାଷି ମରବାର ଗୁଟେ ବଚି ଯିତା ୤

ଆଉ ଦୁଇରେ ବିହନ ଠିକ୍ ଠାକରେ କମ ପଇସା ଥି ମିଲତା ୤

ଆଉ ଗୁଟେ କଥା ଚାଷିର କାଞ୍ଜେ ଚାଷ ବାଷର ମିସିନ କମ୍ ଦାମରେ ମିଲତା ୤

ଆଉ ମରୁଡ଼ି ହେଲେ ଠିକ୍ ସମିଆଥି ପଇସା ପତର ମିଲତା ୤

ଆଉ ମରୁଡ଼ି ହେଲେ ବ୍ୟାଙ୍କର ଯେନ୍ ଲୁନ୍ କିଛି ମାତ୍ରା ଛାଡ଼ ହେତା ବଏଲେ ଚାଷି ମରବାର୍ ବନ୍ଦ ହେତା କହି ବବା କହେଲେ ୤

ବବାର କଥା ଶୁନି ମୁଁଇଁ ମନେ ମନେ ଭାବଲି ଚାକ୍କରି କରବିକି ଚାଷ କରବି ୤

ଶେଷେ ବିଚାର୍ କରଲି ଚାଷ୍ କରବି ଆଉ ସଂସାର ଚଲାବି ୤

ସତକେ ସତ୍ ବଡ଼ ହେଇ କରି ଚାଷ କରଲି

ଆଉ ଭଲ ଚାଷ୍ କରି ଭଗବାନର୍ ଆର୍ଶିରବାଦନୁ ସରକ୍କାର ତରଫନୁ ମତେ ବେଷ୍ଟ ଅଫ୍ ଫାରମର୍ ଆଓ୍ବାର୍ଡ ମିଲଲା ୤

ମୁଁଇଁ ଆଏଜ୍ ବହୁତ ଖୁସି ଅଛେ ଆଉ ମୋର ସବୁ ଚାଷି ଭାଇ ମାନଙ୍କୁ କହୁଛେ୤

ଆଶ ଭାଇ ବହେନ ଚାଷ କରମା ୤

ଆଉ ଚାଷ କାମକେ ବଢ଼େଇ ନେମା ॥

ବୁଡ଼ାବାହାଲ

ସୁନ୍ଦରଗଡ଼

ମୋ- ୮୭୬୨୩୯୦୦୭୩