: ଡ: ସତ୍ୟନାରାୟଣ ମିଶ୍ର

ଓଡ଼ିଆପୁଅ, ଓଡ଼ିଆପୁଅ

କୋଢ଼ିଆ ନ ହୋଇ ଖଟୁଥାଅ ଭାଇ

ମୁଣ୍ଡଟେକି ଚଳ ନ କରି ଭୟ୤ ଓଡ଼ିଆପୁଅ... (୧)

ଓଡ଼ିଆପୁଅ, ଓଡ଼ିଆପୁଅ

ବାରମାସେ ତେର ପର୍ବପାଳିଣ

ଖୁସି ମନାଇଣ ସୁଖରେ ରୁହ୤ ଓଡ଼ିଆପୁଅ... (୨)

ଓଡ଼ିଆପୁଅ, ଓଡ଼ିଆପୁଅ

ଅତୀତ ଗୌରବ, ଜାତି ଇତିହାସ

ମନେ ରଖିଥିବୁ ସଦା ନିଶ୍ଚୟ୤ ଓଡ଼ିଆପୁଅ... (୩)

ଓଡ଼ିଆପୁଅ, ଓଡ଼ିଆପୁଅ

କହେ ଉତ୍କଳ, ଓଡ଼ିଶା, କଳିଙ୍ଗ

ଏକା ମାଟି ନାମ ଅନେକ ଦିଅଁ୤ ଓଡ଼ିଆପୁଅ... (୪)

ଓଡ଼ିଆପୁଅ, ଓଡ଼ିଆପୁଅ

ପାଇକ ସମର, ସ୍ବାଧୀନ ସଂଗ୍ରାମ

ବୀରଯୋଦ୍ଧା ଗୀତ ତୁ ରଚୁଥାଅ୤ ଓଡ଼ିଆପୁଅ... (୫)

ଓଡ଼ିଆପୁଅ, ଓଡ଼ିଆପୁଅ

ମନେ ନାହିଁ କିରେ, ବାଲି ସୁମାତ୍ରାକୁ

ଯାଉଥିଲୁ ଦିନେ ବାହି ଯେ ନାବ୤ ଓଡ଼ିଆପୁଅ... (୬)

ଓଡ଼ିଆପୁଅ, ଓଡ଼ିଆପୁଅ

ଏକା କୋଣାରକ ମୁଣ୍ଡି ମାରିଥିଲା

ବାରବରଷର ବାଳୁତ ପୁଅ୤ ଓଡ଼ିଆପୁଅ... (୭)

ଓଡ଼ିଆପୁଅ, ଓଡ଼ିଆପୁଅ

ଏ ମାଟିରେ ପରା ଭିଜିଛି ତ କେତେ

ତୋ ପୂର୍ବପୁରୁଷ ଲହୁ ଓ ଲୁହ୤ ଓଡ଼ିଆପୁଅ... (୮)

ଓଡ଼ିଆପୁଅ, ଓଡ଼ିଆପୁଅ

କାଞ୍ଚି ଗୋଦାବରୀ ଜିତିଥିଲା ଦିନେ

ଗଜପତି ଧରି ଯେ ଗଜହୟ୤ ଓଡ଼ିଆପୁଅ... (୯)

ଓଡ଼ିଆପୁଅ, ଓଡ଼ିଆପୁଅ

ନିଜକୁ କେବେ ତୁ ଭାବିବୁନି ହୀନ

ତୋର ସମ ଏ ସଂସାରେ କେ କହ? ଓଡ଼ିଆପୁଅ... (୧୦)

ସି-୮୬, ଲିଙ୍ଗରାଜ ବିହାର

ପୋଖରୀପୁଟ, ଭୁବନେଶ୍ବର-୨୦

ଭ୍ରାମ୍ୟଭାଷ: ୯୯୩୮୧୬୭୩୩୧