: ଅରୁଣ କୁମାର ପାତ୍ର

ନାରୀ - କବି କଳ୍ପନାର ଅନିନ୍ଦ୍ୟ ରୂପ ଲାବଣ୍ୟମୟୀ ଦେବୀ

ସ୍ନେହ-ପ୍ରେମ-ବାତ୍ସଲ୍ୟ ମମତାର ମୂର୍ତ୍ତୀମତୀ ନିଚ୍ଛକ ଛବି୤

ନାରୀ ହେଉଛି ବିସ୍ମୟ ସୃଷ୍ଟିର

ପରୋକ୍ଷେ ବା ପ୍ରତ୍ୟକ୍ଷେ,

ଦେଇଥାଏ ପୁରୁଷକୁ

ସ୍ବୀକୃତି ଉତ୍‌ଥାନ ପତନର୤୧୤

ହୋଇପାରେ ନାରୀ ପୁରୁଷର

ସହକର୍ମିଣୀ-ସହମର୍ମିଣୀ-ସହଧର୍ମିଣୀ

ନୁହେଁ ସେ କର୍ମ-ସହଚରୀ

କିନ୍ତୁ ଭରିଦିଏ ହୃଦୟ ଭିତରେ

ସ୍ବର୍ଗୀୟ ପୀୟୁଷ ପ୍ରେମର୤୨୤

ପରିବାର ପାଇଁ ନାରୀ ଭୋଗିପାରେ

ସକଳ ଯନ୍ତ୍ରଣା ମଙ୍ଗଳ କାମନା କରି

ପତି ହୋଇଛି ତା’ ଇହକାଳର ଦେବତା

ତା’ର ସୁଖଦୁଃଖରେ ହୁଏ ସେ ଦୁଃଖିନୀ୤୩୤

ବିଚ୍ୟୁତ ହୋଇନାହିଁ ଅତୀତରେ କେବେ

ନାରୀ ଆଦର୍ଶ ଜୀବନରୁ

ନାରୀର ନାରୀତ୍ବ ଶୁଦ୍ଧ ସୁବର୍ଣ୍ଣ

ପାଲଟିଯାଏ ସେ ଜ୍ୟୋତିର୍ମୟୀ ଦେବୀ୤୪୤

ଅତୀତର ନାରୀ ସଂକଳ୍ପର ପରାକାଷ୍ଠାପାଇଁ

ଝାସ ଦେଉଥିଲେ ଚିତାନଳକୁ

ଆଜିକାଲି ଲୋକେ ‘ଦୁହିତା’ ପଦବାଚ୍ୟ

ବୋଲାନ୍ତି କେବଳ ନାରୀକୁ୤୫୤

ନାରୀ ଅନ୍ତରର କଥା ଜାଣି ପାରନ୍ତିନି ବିଧାତା

ସବୁରି ମୂଳରେ ନାରୀ

ସେ’ତ କପଟ, ପାପ ଓ ଅବଗୁଣର ଖଣି୤୬୤

ସ୍ବାମୀକୁ ଯେପରି ପ୍ରଦାନ କରେ ସେ ସ୍ବର୍ଗୀୟ ପୀୟୁଷ ସୁଖ

ସନ୍ତାନ ମାନଙ୍କୁ ପ୍ରଦାନ କରେ ସେ ସୁଧାମୟ ବାତ୍ସଲ୍ୟମମତା

ସମାଜ ତଥା ପରିବାରକୁ କରେ ସେ ବଶୀଭୂତ୤୭୤

ପୁରାଣେ ସୁଭଦ୍ରା ବିରାନାରୀ ଭାବେ ସୁସମ୍ମାନିତା

ଇତିହାସେ ପଦ୍ମିନୀ, ଦୁର୍ଗାବତୀ, ଶୁକଦେଇ ଓ ଲକ୍ଷ୍ମୀବାଇ

ଅସୀମ ଶକ୍ତି ବୀରତ୍ବ ଦ୍ବାରା ଶତ୍ରୁଙ୍କୁ କରନ୍ତି ଭୟଭୀତା୤୮୤

ପରାସ୍ତ ଯେଉଁଠି ପୁରୁଷର ଶକ୍ତି

ଆବଶ୍ୟକ ସେଇଠି ନାରୀର ଶକ୍ତି

ଏକଥା ଦେବୀ ଦୁର୍ଗା ପ୍ରମାଣିତା୤୯୤

ଜ୍ଞାନ ରାଜ୍ୟେ ବିସ୍ମୟ ସୃଷ୍ଟି କରିଛନ୍ତି

ମୈତ୍ରେୟୀ, ଗାର୍ଗୀ, ଲୀଳାବତୀ

ଭକ୍ତିମାର୍ଗେ ଭଗବାନଙ୍କ ସାନିଧ୍ୟ

ଲାଭ କରିଛନ୍ତି ମୀରା, ଦାସୀ ବୃନ୍ଦାବତୀ୤୧୦୤

ନାରୀ ପ୍ରେମମୟୀ, ସ୍ନେହମୟୀ, ତ୍ୟାଗମୟୀ

ସେ ଜାୟା ଜନନୀ ଭଗିନୀ ଭାବିନୀ

ସେ ପୁଣି ସୃଷ୍ଟିକାରିଣୀ ବିଘ୍ନବିନାଶିନୀ

ମଙ୍ଗଳଦାୟିନୀ ଅଭୟା ଏବଂ ପ୍ରଳୟକାରିଣୀ ଭବାନୀ୤୧୧୤

ନାରୀ ପୁରୁଷର ବାଗଦାତ୍ରୀ

ପ୍ରେରଣା, ଉତ୍ସାହ ଓ ଉଦ୍ଦୀପନା

ଏଥିପାଇଁ ନାରୀ ଯୁଗେ ଯୁଗେ

ଚୀର ପୂଜନୀୟା, ବନ୍ଦନୀୟା, ଧନ୍ୟା୤୧୨୤

ସମୟର ପରିବର୍ତ୍ତନରେ ନାରୀ ଆଜି ଆଦର୍ଶର ଗୁଣାବଳୀ

ଲୋପପାଇବାକୁ ବସିଛି

ସେ ଆଜି ହେଉଛି ଲୀଳାସଂଗିନୀ

ହୋଇପାରୁନାହିଁ ସ୍ନେହମୟୀ ପତ୍ନୀ୤୧୩୤

ନାରୀ ସମାଜ ହରାଇ ବସିଛି

ଅତୀତର ଐତିହ୍ୟ, ସଂସ୍କୃତି ଓ ପରମ୍ପରା

ସମାଜ ହୋଇଛି ଅବହେଳିତା

ନାରୀ ସାଜିଛି ପୁରୁଷ ହାତେ, କ୍ରୀଡ଼ା ପୁତ୍ତଳିକା୤୧୪୤

ପୁରୁଷର ସ୍ବାର୍ଥନ୍ବେଷୀ ଦୃଷ୍ଟିକୋଣ

ନାରୀ ସମାଜପ୍ରତି ଅବହେଳା ଅବମାନନା ଓ ଔଦାସୀନ୍ୟତାର

କାରଣ ହୋଇଛି ନାରୀ ସମାଜର ଅଧୋପତନର୤୧୫୤

କେନ୍ଦୁପଦର, ଫୁଲବାଣୀ, ୭୬୨୦୦୧,

କନ୍ଧମାଳ ଜିଲ୍ଲା, ଓଡ଼ିଶା

ଭ୍ରାମ୍ୟଭାଷ : ୯୪୩୭୭୬୫୨୭୫

ଇମେଲ୍ : arunpatra21171@gmail.com