: ଭାଗିରଥୀ ଯାନି

ଗିରି ଗୁମ୍ଫା ଦେଇ ପଥ ଖୋଜିଚାଲେ

ସାଗରର ଅଭିମୁଖେ,

ସୁଦୂର ପଥକୁ ଅତିକ୍ରମ କରି

ସମୁଦ୍ରରେ ଯାଇ ମିଶେ୤

ଲକ୍ଷ୍ୟପଥୁ କେବେ ବିଚ୍ୟୁତି ନ ହୋଇ

କୁଳୁକୁଳୁ ନାଦେ ବହେ,

ମଳମୂତ୍ର ଯେତେ ଢାଳିଲେ ତା’ଦେହେ

ସର୍ବକର୍ମ ସିଏ ସହେ୤

ବନେ ଯେତେ ଥା’ନ୍ତି ଓଉଷଧ ବୃକ୍ଷ

ସର୍ବପଦ କରି ସ୍ପର୍ଶ,

ସଜୀବ ନିର୍ଜୀବେ ଦାନକରି ଜଳ

ଅର୍ଜନ କରିଛି ଯଶ୤

ଝରଣାର ଜଳ ଶୁଭେ କୁଳୁକୁଳୁ

ପାହାଡ଼ର ପାଦ ଦେଶେ,

ତା’ର ସ୍ଥିର ଜଳେ ପ୍ରତିଛବି ଦେଖି

ପାହାଡ଼ି କନ୍ୟାଟି ହସେ୤

ଶେଫାଳୀ ଫୁଲଟି ନିତି ଫୁଟୁଥାଏ

ହସି ନିର୍ଝରିଣୀ କୁଳେ,

ମୀନ ଖେଳୁଥାଏ ମହା ଆନନ୍ଦରେ

ଅସ୍ଥିର ନିର୍ଝର ଜଳେ୤

ଜାତି ଧର୍ମବର୍ଣ୍ଣ ବାରଣ ନ କରି

ସଭିଙ୍କୁ ଦିଅଇ ବଳ,

ଛନ୍ଦ କି କପଟ ଜଣା ନାହିଁ ତାଙ୍କୁ

ସେ ଅଟେ ପବିତ୍ର ଜଳ୤

ମନେ ନାହିଁ ତା’ର ରାଗ ଇର୍ଷ୍ୟା ଭାବ

ଅଭିମାନେ ନାହିଁ କାମ,

ତେଣୁ ତାଙ୍କ ନାମ କହିଥାନ୍ତି ସର୍ବେ

ଜୀବନର ଅନ୍ୟନାମ୤

ଦଳପଡ଼ା, ଖଜୁରୀପଡ଼ା

କନ୍ଧମାଳ ଜିଲ୍ଲା, ୭୬୨୦୧୨

ଭ୍ରାମ୍ୟଭାଷ : ୯୪୩୮୦୨୬୮୪୮