: ରମାକାନ୍ତ ମିଶ୍ର

ଆଜିର ଏ ପୁଣ୍ୟ ତିଥିରେ ବନ୍ଧୁ -

ତୁମକୁ ସ୍ୱାଗତ ଜଣାଏ !

ବହୁପଥ ଶ୍ରମ କରି ଆସିଛ ବନ୍ଧୁ -

ଅନ୍ତର ମୋର ଧନ୍ୟ ହୁଏ !

ବନ୍ଧୁଗଣ! ମିଳନ ତୁମର ଓ ଆମର

ଚିରନ୍ତନ ଏବଂ ଶାଶ୍ୱତ

ଏ ମିଳନରେ -

ନାହିଁ କିଛି ଆବିଳତା

ନାହିଁ କିଛି ସ୍ୱାର୍ଥ

ସ୍ୱାର୍ଥ ଜଡିତ ସଂସାରରେ

ଏ ମିଳନ ନିଃସ୍ବାର୍ଥପର I

ବନ୍ଧୁଗଣ! ସମବେତ ହୋଇଛୁ

ଆମେ ସବୁ ପରସ୍ପର ପ୍ରତି

ଶ୍ରଦ୍ଧା ଆଉ ସମ୍ମାନ

ଜ୍ଞାପନ କରିବା ପାଇଁ

ପରସ୍ପର ଭାବ -

ବିନିମୟ କରିବା ପାଇଁ

ପରସ୍ପରର ସେ ଅକୁହା କଥା

ଶୁଣିବା ପାଇଁ, ଯାହା

ଅନ୍ୟ କେହି ଶୁଣନ୍ତି ନାହିଁ I

ଆଜିର ଏ ପୁଣ୍ୟ ଦିବସେ

ବାସି ନ ହେଉ ଆମରି ପ୍ରେମ

ବିଶ୍ୱ ନିୟନ୍ତାଙ୍କ ଠାରେ ଏହାହିଁ କାମନା I

କୁହନ୍ତି ଜ୍ଞାନୀ -

ନୂତନ ଆସେ ପୁରାତନକୁ

ସ୍ଥାନଚ୍ୟୁତ କରିବା ପାଇଁ

ଏହାହିଁ ସୃଷ୍ଟି ପ୍ରକ୍ରିୟା

କିନ୍ତୁ ସାହିତ୍ୟ ଜଗତେ -

ନୂତନ ଓ ପୁରାତନ ସର୍ବଦା ସହIବସ୍ଥାୟୀ I

ଆଜିର ନୂତନ କାଲିକୁ ପୁରାତନ କିନ୍ତୁ -

ସେମାନଙ୍କ ମଧ୍ୟରେ ଥିବା ଅଦୃଶ୍ୟ କଡ଼ିକୁ

ଭାଙ୍ଗିବାର ଶକ୍ତି କାହାରି ନାହିଁ I

ଆଜିର ଏ ପୁଣ୍ୟ ତିଥିରେ ଆସ ବନ୍ଧୁ !

ମିଳିତ ହୋଇ କରିବା ପ୍ରାର୍ଥନା -

ଲେଖନୀ ଆମର ହେଉ ଦୃଢ଼

ଆଦର୍ଶ ଆମର ହେଉ ଦୃଢ଼

ସମ୍ମୁଖରେ ଆମର ଫୁଟି ଉଠୁ

ଏ ଦେଶର, ଏ ଜାତିର ପ୍ରାଚୀନ ଆଦର୍ଶ !

ଏକ ଦିଗେ ବିଭବ

ଅନ୍ୟ ଦିଗେ ଆଦର୍ଶ

ମସି କୁ ଆମ ଟାଣେ

ଥୋଇବI କାହାକୁ ଆଦର୍ଶ କରି ?

ବିଭବ କୁ ନI ଆଦର୍ଶ କୁ ??

ତେଣୁ ପଥଭ୍ରଷ୍ଟ ନ କରୁ ଆମକୁ

ଶକ୍ତି ଓ ବିଭବ ର ମୋହIନ୍ଧ

ଉତ୍ସାହ, ଆତ୍ମବିଶ୍ୱାସ ଓ ସୃଜନ ପ୍ରୟାସ

ସୃଷ୍ଟି କରୁ ଆମର ଏ ମିଳନ

ଅଭିନନ୍ଦନ ଜଣାଏ -

ଆପଣଙ୍କ ବନ୍ଧୁ ରମାକାନ୍ତ ମିଶ୍ର I

ଭି.ଆଇ.ଏମ. - ୨୬୮

ଶୈଳଶ୍ରୀ ବିହାର

ଭୂବନେଶ୍ୱର - ୭୫୧୦୨୧

ମୋବାଇଲ - ୯୯୩୭୨୬୮୦୧୨