: ଲୋକେଶ୍ ପ୍ରଧାନ

ହେ ଉତ୍କଳ ମାତା ବୀର ସନ୍ତାନ

ଉତ୍କଳ ପ୍ରଦେଶ କଲ ସ୍ୱାଧୀନ

ସେହି ଉତ୍କଳର ସନ୍ତାନ ଆଜି ହେ

ଉନ୍ନତିର ପଥେ କର ଗମନ ।।

ଜାତି ନନ୍ଦିଘୋଷ ଯାଇଛି ଅଟକି

ସର୍ବେ ନିଜ ସ୍ୱାର୍ଥେ 'ଛନ୍ତି ବ୍ୟସ୍ତ

ସଜାଗ ହୁଅ ହେ ସ୍ୱାଭିମାନ ରଖି

ନିଜ ଦେଶ କଥା ପ୍ରଥମେ ଚିନ୍ତ ।।

ଦୁର୍ନୀତି ପଥରୁ ଯାଅ ଅପସରି

ନୀତିଯୁକ୍ତ ହୋଇ ଅଗ୍ରସର

ନିଃସ୍ୱାର୍ଥ ଭାବେ ଦେଶ ସେବାରେ

ମନ ପ୍ରାଣ ଢ଼ାଳି ଦିଅ ତୁମ୍ଭର ।।

'କୂପ-ମଣ୍ଡୂକ' ଭାବରୁ ଉଠି

'କଙ୍କଡ଼ା ପ୍ରକୃତି' ମନରୁ କାଢ଼

ଅନ୍ୟର ବିକାଶେ ବାଧା ନ ସାଜି

ନିନ୍ଦା ତିରସ୍କାର ଅଭ୍ୟାସ ଛାଡ଼ ।।

"ପରୋପକାର ପୂଣ୍ୟାୟ"

"ବସୁଧୈବ କୁଟୁମ୍ବକମ୍"

ଏଇ ନୀତି ପାଳି ଯାଅ ତୁମ୍ଭେ ଚଳି

ଦେଖାଅ ସବୁଠି ଓଡ଼ିଆଙ୍କ ଦମ୍ ।।

ତେବେ ହିଁ ହୋଇବ ଉତ୍କଳ ଉନ୍ନତ

ଏଥିରେ ନାହିଁ ଜମା ଦ୍ବିମତ

ଉତ୍କଳ ଦିବସେ ଏହି ଆହ୍ୱାନ

ସର୍ବ ହୃଦୟେ ହେଉ ପୁଲକିତ ।।

ପ୍ରେରକ- ଲୋକେଶ ପ୍ରଧାନ, ନୂଆପଡା, ଓଡ଼ିଶା