: ସୁଜ୍ଞାନ କୁମାର କହଁର

ଗାର୍ଲସ ହାଇସ୍କୁଲର ଚାରି ନମ୍ବର ରୁମରେ

ମୋର ପରୀକ୍ଷା ରୋଲ ନମ୍ବର ଥିଲା

ନିକଟରେ ମୋର ପ୍ରେୟସୀ...

ମୋ ମନର ନାୟିକା,

ପରୀକ୍ଷା ଦେବାପାଇଁ ପ୍ରସ୍ତୁତ

ନିରବେ ଥିଲା ବସି...

ଅକସ୍ମାତ ବିହଙ୍ଗଦୃଷ୍ଟି ଘୁରାଇଲି ସେଆଡ଼େ

ନିରବରେ ଚାହିଁଲି

ଲୋକ ଅଗୋଚରେ

ସେ ବି ଚାହିଁଲା ମୋତେ କଣେଇ କଣେଇ

ମନରେ ଧରି ଅନେକ ଭାବନା

ମନର ଗହୀର ଗହନ ଭାବନା

ସହି ହୁଏନାହିଁ କି କହି ହୁଏ ନାହିଁ

ସେଇ ଭାବନା୤

ମୋର ମନ ବି ଅସହାୟ ହୋଇ ଉଠେ

ତା’ ବିନା, କେବଳ ତା’ ବିନା

ପାଖରେ ପାଇ ବି ପାରେନା ପାଇ

ପାଖରେ ଦେଖି ବି କଥାପଦେ କହିପାରେନା...

ମନରେ ରହିଯାଏ ଅନେକ ଅକୁହା ବେଦନା

ତାକୁ କହି ପାରେନା, ‘ଭଲ ପାଏ ବୋଲି’

ଅବା ଏହି କଥା ପଦକ ତା ଠାରୁ

ଆଦାୟ କରିପାରେନା୤

ଏହି ଚାହାଁଚାହିଁରେ ବିତିଗଲା ଦୁଇବର୍ଷ

ସମୟ ଯାଏ ନିଜ ବାଟେ

ଅପେକ୍ଷା କରେନି କାହାରିକି

ମୋହର ସମୟ ଗଲା ଏହିପରି

ବିତିଗଲା ଚାହୁଁ ଚାହୁଁ ଦୁଇ ବରଷ୤

ସମୟ ଯାଏ ନିଜ ବାଟେ

ସେଥିରେ ମୋର ଯାଏ ଆସେନା କିଛି

କେବଳ ରହିଗଲା ଅବଶୋଷ ଏତିକି

କହି ପାରିଲିନି ‘ଭଲ ପାଏ ତୁମକୁ’ ବୋଲି୤

ଜିଡ଼ିଙ୍ଗି ସାହି, ଟିକାବାଲି, କନ୍ଧମାଳ

ଭ୍ରାମ୍ୟଭାଷ : ୮୭୬୩୫୩୯୩୨୨