: ଡମ୍ବରୁଧର ପଟ୍ଟନାୟକ

ଚାଷୀଟିଏ ହୋଇ ଫସଲ ଫଳାଇ ନପାରିବା

ମୋ ପାଇଁ ଇଜ୍ଜତର ପ୍ରଶ୍ନ!

ତେବେ ଇଜ୍ଜତ ହାରିବା ଲୋକ ମୁଁ ନୁହେଁ,

ଦରକାର ହେଲେ ଇଜ୍ଜତ ପାଇଁ

ମୁଁ ଜୀବନ ହାରିଦେବି ।୧୤

ନୀରବ ମୋଦି ପରି ଋଣ କରି

ବିଦେଶ ଚାଲିଯିବା ମୋ ପୌରୁଷ ନୁହେଁ

ଦରକାର ହେଲେ ବିବଶତାର ବିଷ ପିଇ

ସବୁଦିନ ପାଇଁ ମୁଁ ନିରବିଯିବି ପଛେ

ମୋ ବିଲ ଛାଡି ମୁଁ କୁଆଡେ ଯିବିନାହିଁ ।୨୤

ବିଜୟ ମାଲ୍ୟା ପରି

ଋଣ କରି ଘିଅ ପିଇବା ଲୋକ ମୁଁ ନୁହେଁ,

ସାର ପାଇଁ କରିଥିବା ଋଣ ଶୁଝିନପାରି

ମୁଁ ପଛେ ମରିଯାଏ ହେଲେ

ଅଧର୍ମ ବିତ୍ତରେ ଅଏସ କରିବା

ମୋ ପ୍ରବୃତ୍ତି ନୁହେଁ ।୩୤

ଲହୁଲୁହର ଚାଷ କରି, ଫସଲ ଆଣି

କୋଠରୀ ଭରିବାରେ ମୋର ଆନନ୍ଦ,

ହେଲେ ବିକ୍ରମ କୋଠାରୀ ପରି

ସରକାରୀ ଧନରେ ବେପାର କରି

ଅଏସ ଆରାମ କରିବା ମୋ ଧନ୍ଦା ନୁହେଁ ।୪୤

ନିରବରେ ବିଜୟର ବାନା ଉଡାଇବା

ଅଥବା ଫମ୍ପା ବିକ୍ରମରେ କୋଟିକୋଟିରେ

ଆପଣାର କୋଠରୀ ଭରିବା ହେଉଛି

ଏ ଦେଶର ବେପାରୀଙ୍କ ଖେଳ ।

ଅଥଚ ସାମାନ୍ୟ କେଇହଜାର ଟଙ୍କା ପାଇଁ

ଚାଷୀର ଜୀବନ ହୁଏ କାଳ ।୫୤

ବାଣିଜ୍ୟକର ବିଭାଗ, ରାୟଗଡ-୭୬୫୦୦୧