: ଭାଗିରଥୀ ଯାନି

ଆଦିମକାଳୁ ଗିରି ଅଛି ପୃଥ୍ବୀକୁ ଧରି

ତନୁଟି ତା’ର ଗଢ଼ା କଠିନେ,

ବିଶାଳ ତନୁ ମଧ୍ୟେ ଜୀବନିର୍ଜୀବ ଯେତେ

ପାଳଇ ସିଏ ଅତି ଯତନେ୤୧

ଶାଳ ଶିଶୁ ଚନ୍ଦନ ପଳାଶ ଓ ଶାଗୁଆନ

ସବୁଜେ ଭରାଥିଲା ତା ବକ୍ଷ,

ଆଦ୍ୟରୁ ଥିଲା ଯିଏ ବିନଷ୍ଟ ଆଜି ସିଏ

ପୂରଣ କରି ସଭିଙ୍କ ଲକ୍ଷ୍ୟ୤୨

କହିଲା ଦିନେ ବଣ ଶୁଣ ହେ ଜୀବବର

ଶୁଣ ମୋର ଜୀବନ ବେଦନା,

କ୍ରୁର ମାନବସାଜି ଧ୍ବଂସ କରିଛୁ ଆଜି

ତନୁ ମୋର ସବୁ କରି ଚୁନା୤୪

ଟଗର, ଚମ୍ପା, ମଲ୍ଲୀ ଯେତେ ସହର ପଲ୍ଲୀ

ରହିଥିଲେ ମୋ ଏ ବକ୍ଷ ତଳେ,

ଯେତେ ନଗରବାସୀ ବଞ୍ଚିଥିଲେ ହସି ହସି

କାହିଁ କେଉଁକାଳୁ ମୋ’ରି କୋଳେ୤୪

ସୁମନୋହରରେ ଭରା ମୋ ବିଶାଳ ତନୁଟି

ଛିନ୍ନ ବିଛିନ୍ନ କରିଛୁ ଆଜି

ସେହି ପାହାଡ଼ ଗୁମ୍ଫା ଦିଶଇ ଆଜି ସଫା

ଚୁନାହୋଇ ସେ ଗଲାଣି ଯେ ହଜି୤୫

ସ୍ତବ୍ଧ ଆଜି ବନ ନାହିଁ ବିହଗ ଗାନ

ଯାହା ସ୍ବର ଶୁଭୁଥିଲା ଦିନେ,

ନାହିଁ କାହାରି ପତା ଯେତେକ ଗଛ ଲତା

ସେ ସବୁ ଶୂନ୍ୟ ଆଜି ମୋ ସ୍ଥାନେ୤୬

ଥିଲି ମୁଁ ଦିନେ ଚାହିଁ ବିଶ୍ବକଲ୍ୟାଣ ପାଇଁ

ଜୀବନେ ଆଜି ଯାଇଛି ମୁଁ ହାରି,

ଏ ବିଶାଳ ଜଗତେ ଥିଲା ମୋ ଖ୍ୟାତି ଯେତେ

ତା’ପାଇଁ ମନ ହେଉଛି ଝୁରି୤୭

ଶୁଣି ପାହାଡ଼ କଥା ହୋଇଲା ମୁଣ୍ଡବ୍ୟଥା

ଚେତିଲା ନର ପାଞ୍ଚି ଉପାୟ,

କରିବ ସୃଷ୍ଟି ବନ ବଢ଼ିବେ ପଶୁଧନ

ହେବନି ଆଉ ଏଇ ଜଗତ କ୍ଷୟ୤୮

ଗ୍ରାମ/ପୋଅ : ଦଳପଡ଼ା

ଭାୟା : ଖଜୁରୀପଡ଼ା

କନ୍ଧମାଳ, ୭୬୨୦୧୨

ଭ୍ରାମ୍ୟଭାଷ : ୯୪୩୮୦୨୬୮୪୮