: ରମାକାନ୍ତ ମିଶ୍ର

“ଦେଲା ଠାରୁ ପୁଣ୍ୟ ନାହିଁ

ମାଗିଲାଠାରୁ ହୀନ ନାହିଁ”

ଅନାବିଳ ଚିତ୍ତରେ ଦିଅI ଯାଇଥିବା ଦାନ

ହେଉ ପଛେ କ୍ଷୁଦ୍ର ଅଟେ କିନ୍ତୁ ମହାନ

ମୂଲ୍ୟହୀନ ହେଲେବି ତାହା ମୂଲ୍ୟବାନ

ଅନାବିଳ ଦାନର ଆନନ୍ଦ ବର୍ଣ୍ଣନା ହୀନ୤

ପାଇଛୁ ଆମେ ଯାହା

ଦେବାକୁ ହେବ ତାହା

ଏ ଜୀବନ ଛାଡ଼ିବା ପୂର୍ବରୁ

କିଛି ଆମେ ନ ଥିଲେ ତ ଆଣି

ନେଇଥିଲୁ ଏହି ଠାରୁ

ଦେଇଥିଲେ କେହି ଆମକୁ

ଫେରାଇ ଦେଇ ଯିବାକୁ ହେବ

ତାହା ଏହି ଠାରେ

ଏ ଜୀବଦ୍ଦଶାରେ୤

ପାଇ ଅଛୁ ଆମେ ଯାହା

ଦେଇ ଯିବାକୁ ହେବ ତାହା

ଆଜି ଯାହା ଆମର

କାଲି ଥିଲା କାହାର

ଆସନ୍ତା କାଲି ହେବ ଅନ୍ୟ କାହାର୤

ତେଣୁ ଜୀବିତIବସ୍ଥାରେ

ଖୋଜିବାକୁ ହେବ

ଦାନର ଉପଯୁକ୍ତ ପାତ୍ର୤

ଯେ କରି ପାରିବ ଯତ୍ନ

ଏ ଦାନରୂପୀ ଶାଶ୍ୱତ ସମ୍ପତ୍ତିର

ସେ ସମ୍ପତ୍ତି ଶାଶ୍ୱତ ଓ ଚିରନ୍ତନ

ଆଜି ହୁଏତ କାହାରି ପାଖରେ

ହୋଇ ଯାଇଛି କେନ୍ଦ୍ରିତ

କିନ୍ତୁ ପ୍ରତି ମୁହୂର୍ତ୍ତରେ ସେ

ଖୋଜୁଛି ଉପଯୁକ୍ତ ପାତ୍ର୤

ବିଶ୍ୱ ପ୍ରକୃତିରେ ଏ

ଦେବା ନେବା ଚାଲିଛି ନିରନ୍ତର

ଦାନ କେବେ ଯାଏ ନାହିଁ ବୃଥା

ଧାଇଁ ଥାଏ ତା ପଛେ ପଛେ ପ୍ରତିଦାନ୤

“ଦିଆକୁ ଦିଆ ଆଉ

ଅଦିଆକୁ ଦ୍ୱାର ଦିଆ”

ଭି.ଆଇ.ଏମ - ୨୬୮, ଶୈଳଶ୍ରୀ ବିହାର

ଭୂବନେଶ୍ୱର - ୭୫୧୦୨୧

ମୋବାଇଲ - ୯୯୩୭୨୬୮୦୧୨