: ଶ୍ରଦ୍ଧାଞ୍ଜଳୀ ମିଶ୍ର

ଚିଠି ଲେଖିବାକୁ ଦରକାର ହୁଏ ଖଣ୍ଡେ କଲମ, ଖଣ୍ଡେ କାଗଜ ଆଉ ଗୋଟେ ମନ,

ଚିଠି ରେ ପ୍ରଥମେ ନ ଲେଖିପାର ପ୍ରିୟତମା ବୋଲି,

ଅକ୍ଷର ସୁନ୍ଦର ନ ହୋଇଥାଉ କିମ୍ବା ବ୍ୟାକରଣଗତ ତ୍ରୁଟି ଥାଉ,

କିନ୍ତୁ ତମେ ଗୋଟାଏ ଚିଠି ଲେଖ I

ସମ୍ବୋଧନ ନକରି ପାର ମୋ ପ୍ରିୟା ବୋଲି,

ହୃଦୟ ଗ୍ରାହୀ ବୋଲି ଲେଖି କାଟି ଦେଇ ପାର,

ମୁଁ ଦୁଃଖରେ ଅଛି ନା ସୁଖ ରେ ଅଛି ହୁଏତ ନଜାଣିବାକୁ ଚାହଁ,

କିନ୍ତୁ ତମେ ଗୋଟାଏ ଚିଠି ଲେଖ I

ଚିଠିରେ ନ କହିପାର ତୁମ ପ୍ରେମ ବିଷୟ ରେ

ଅବା

ନ ଲେଖିପାର କେବେ ଦେଖା ହେବ ବୋଲି,

ହୁଏତ ନଜାଣିବାକୁ ଚାହଁ ମୋ ହୃଦୟ ର ଠିକଣା ,

କିନ୍ତୁ ତମେ ଗୋଟାଏ ଚିଠି ଲେଖ I

ଶେଷରେ ନ ଲେଖିପାର, ଚିଠି ପାଇ ଚିଠି ଦେବା ପାଇଁ,

ଚିଠିରେ ନ ଲେଖିପାର ଇତି ତୁମର ପ୍ରିୟତମ ,

ଲେଖିକି କାଟି ଦେଇ ପାର,

କିନ୍ତୁ ତମେ ମୋ ପାଇଁ ଗୋଟାଏ ଚିଠି ଲେଖ I

କ'ଣ

ତମେ ତମ ମନରୁ ମୋ ପାଇଁ ଚିଠି ଗୋଟିଏ ଲେଖି ପାରିବନି?

ଇତି,

ତୁମର....