: ମୃତ୍ୟୁଞ୍ଜୟ ହୋତା - ଆଲୋକ

ପୃଥିବୀ ଆଜି ଉତ୍‌ଫୁଲ୍ଲିତ ଚକିତ ରଙ୍ଗର ଆସେ ପସରା,

ନବଦିଗନ୍ତ ଚିକ୍ ଚିକ୍ କରେ ଆସିଛି ଫଗୁଣ ପରା୤

ଉନ୍ମଦିତ ଚଉଦିଗ ସଜା ମୃଣ୍ମୟୀ ଆକାଶ ଦିଶେ,

ପବନ କରି ଅଭିମାନ ସୁଲୁ ସୁଲୁ ହୋଇ ଆସେ୤

ନୂଆ ଉନ୍ମାଦନା ନୂଆ ସପନ ସତେ କି ଆଶାର କିରଣ,

ପଶୁପକ୍ଷୀ ଅବା ଗଛ ଲତା ସଭିଏଁ ଫଗୁଣେ ନମନ୤

ଆମ୍ବ ବଉଳ ବସନ୍ତ ଲକ୍ଷଣ ନବଘନ ରଚିତ,

ହୃଦୟ ଖୋଲି ବ୍ୟକ୍ତ କରେ କୋଇଲି ଚିରା ଚରିତ୤

ପ୍ରକୃତି ବାସନା ଦିବ୍ୟ ଛନ୍ଦନା ଉଠେ ମହ ମହ ହୋଇ,

ଧରଣୀ ଆଜି ଫଗୁଣେ ବିଭୋର ସତେ ନୂଆ ବୋହୁ ହୋଇ୤

ପକ୍ଷୀ ବିଚରଣ ଖୋଲା ଆକାଶରେ ସ୍ବରର ରାଗିଣୀ ଗାଇ,

ଝରଣା ବହିଯାଏ ଆନନ୍ଦ ମନରେ ଅବା ପାହାଡ଼କୁ ଛୁଇଁ୤

ମଳୟର ଏହି ସୁନ୍ଦର ଅନୁଭୂତି ଗୋଲାପ ଫୁଲଠୁ ବେଶୀ,

ତଥାପି ମନ ଅଣାୟତ ହୁଏ ଫେରିଯିବାକୁ ଆସି୤

ସୂରୁଜ ଆସେ ନଇଁ ଜହ୍ନକୁ ସ୍ବାଗତ କରି,

ଚାରିଆଡ଼େ ଖାଲି ଫଗୁଣ ଆସର ହୃଦୟ ଅଥୟ କରି୤

ରତାଖଣ୍ଡି, ବୌଦ୍ଧ, ଓଡ଼ିଶା

ଭ୍ରାମ୍ୟଭାଷ : ୮୬୫୮୦୯୪୮୧୪